یاہ گل مچ مزہ کی ہے جی یہ لوک پہاویں انڈیا ما وھے ،ایران ما وھے ،کشمیر ما وھے یا دینا کا کسی ہور کونا ما ان کو رہݩ سہݩ ،لباس تے رسم و رواج ایک جیسو وھے۔بکروال برادری کی اپݩی الگ ثقافت ہے یہ لوک شلوار قمیض تے چادر استعمال کرے ۔ جݩا شلوار قمیض لاۓ تے سر پو لُنگھی بدھے ۔عورت سر پو ایک ٹوپی لاوے یاہ ٹوپی یہ عورت خود بݩاوے تے اس پو کڑہائی کو کم کرے تے پھل شل بݩاوےیہ لوک آپے سارا کم کرے تے اپݩا جاتکاں کا واسکٹ بھی بݩاوے ان پو یہ لوک مُچ پھل شل کرے تے خاص طور پو ان کی بیٹکیاں کی ٹوپی مچ سوہݩی وھے۔یہ لوک اپݩا ڈیرہ کو سامان کچراں پو لدݩ واسطے چھٹ بݩاوے۔ تے ان لوکاں کی بیٹکی چھٹاں نال مچ شونق کرے تےان پو ہتھ نال پھل کرے تے پھمڑی لاوے۔
